«كۇندەلىكتى ومىردەگى ورتتەردىڭ نەگىزگى سەبەپتەرى, ەڭ الدىمەن, وتپەن ابايسىزدا جۇمىس ىستەۋ, وتپەن بالالاردىڭ ەركەلىگى, ەلەكتر جابدىقتارىنىڭ دۇرىس جۇمىس ىستەمەۋى, پەشتەر مەن تۇرمىستىق ەلەكتر قۇرالدارىن پايدالانۋ كەزىندە ءورت قاۋىپسىزدىگى ەرەجەلەرىنىڭ بۇزىلۋى, سونداي-اق سوڭعى ۋاقىتتا ورتەۋ جاعدايلارى جيىلەپ كەتتى», دەلىنگەن تجم ءباسپاسوز قىزمەتى تاراتقان اقپاراتتا.
ماسەلەن, جىلىتۋ ماۋسىمى باستالعاننان بەرى تۇرعىن ءۇي سەكتورىندا 1 700 مىڭنان استام ءورت بولدى. كومىرتەگى توتىعىمەن ۋلانۋ سالدارىنان 12 ادام قازا تاۋىپ, 66 ادام جاراقات الدى.
تۇرمىستىق ورتتەر سانىنىڭ ءوسۋى اباي, استانا قالاسى, جامبىل جانە شىعىس قازاقستان وبلىستارىندا تىركەلدى.
تۇرعىن ءۇي سەكتورىندا ورتتەردىڭ تۋىنداۋ, ادامداردىڭ قازا بولۋى جانە جاراقاتتانۋ قاۋپىن ازايتۋ ماقساتىندا بارلىق اۋماقتىق دەپارتامەنتتەر حالىق اراسىندا ءورت قاۋىپسىزدىگى ەرەجەلەرىن ساقتاۋ بويىنشا ۇگىت-پروفيلاكتيكالىق جۇمىستى كۇشەيتتى.
